മഴയായി എന്റെ ആത്മാവിലേക്ക്
നീ പെയ്തിറങ്ങുക,
പ്രണയത്തിന്റെ സംഗീതമാണ് നീ,
ഈറനണിയട്ടെ എന്‍ നൊമ്പരങ്ങള്‍ ...!
മഴ വഴിയില്‍ പാതി നനഞ്ഞും ചിരിച്ചും
സ്വപനങ്ങള്‍ നെയ്തും
പൊയ്പോയ വസന്തങ്ങളെ
ഓര്‍മകളുടെ താരാട്ടു പാടിയുറക്കിയും
തീരാമഴയില്‍ കുളിരണിയട്ടെ ഞാന്‍
എന്റെ അപഥ സഞ്ചാരത്തിന്‍
അന്ധ വഴികള്‍ നീ കൊട്ടിയടയ്ക്കുക
അടങ്ങാത്ത ആസക്തിയിലേക്ക്
പേമാരിയായി പെയ്തിറങ്ങി
നിന്റെ പ്രണയത്തിന്റെ
ശവകൂടീരത്തില്‍ എന്നെ അടക്കം ചെയ്യുക.
പുഴുവരിച്ച എന്റെ യൌവനത്തിന്റെ
ഗ്രീഷ്മകാലം അതിലുറങ്ങട്ടെ
ചിന്തകള്‍ കറുത്തിരുണ്ടു
മൗന മേഘങ്ങൾ മനസ്സില്‍ നിറഞ്ഞുവെങ്കിലും
ജീവിതത്തിന്റെ കടവു തോണി
മരണത്തിന്റെ കൊടുങ്കാറ്റില്‍ ആടിയുലഞ്ഞു
മുങ്ങുന്നതിന്‍ മുന്‍പ്
മഴയായി, സ്നേഹത്തിന്‍ ഗീതമായി
എന്റെ പ്രണയത്തിന്‍ താഴ്വരയിലേക്ക്
ഒരു വെറും വാക്കിന്റെ പോലും
ചാറ്റല്‍ മഴയായ്
ഇപ്പോഴും പെയ്യാത്തതെന്തു നീ ?
നീ പെയ്തിറങ്ങുക,
പ്രണയത്തിന്റെ സംഗീതമാണ് നീ,
ഈറനണിയട്ടെ എന്‍ നൊമ്പരങ്ങള്‍ ...!
മഴ വഴിയില്‍ പാതി നനഞ്ഞും ചിരിച്ചും
സ്വപനങ്ങള്‍ നെയ്തും
പൊയ്പോയ വസന്തങ്ങളെ
ഓര്‍മകളുടെ താരാട്ടു പാടിയുറക്കിയും
തീരാമഴയില്‍ കുളിരണിയട്ടെ ഞാന്‍
എന്റെ അപഥ സഞ്ചാരത്തിന്‍
അന്ധ വഴികള്‍ നീ കൊട്ടിയടയ്ക്കുക
അടങ്ങാത്ത ആസക്തിയിലേക്ക്
പേമാരിയായി പെയ്തിറങ്ങി
നിന്റെ പ്രണയത്തിന്റെ
ശവകൂടീരത്തില്‍ എന്നെ അടക്കം ചെയ്യുക.
പുഴുവരിച്ച എന്റെ യൌവനത്തിന്റെ
ഗ്രീഷ്മകാലം അതിലുറങ്ങട്ടെ
ചിന്തകള്‍ കറുത്തിരുണ്ടു
മൗന മേഘങ്ങൾ മനസ്സില്‍ നിറഞ്ഞുവെങ്കിലും
ജീവിതത്തിന്റെ കടവു തോണി
മരണത്തിന്റെ കൊടുങ്കാറ്റില്‍ ആടിയുലഞ്ഞു
മുങ്ങുന്നതിന്‍ മുന്‍പ്
മഴയായി, സ്നേഹത്തിന്‍ ഗീതമായി
എന്റെ പ്രണയത്തിന്‍ താഴ്വരയിലേക്ക്
ഒരു വെറും വാക്കിന്റെ പോലും
ചാറ്റല്‍ മഴയായ്
ഇപ്പോഴും പെയ്യാത്തതെന്തു നീ ?
No comments:
Post a Comment